يامو الشعر الطويل فى قلبك بيجرى النيل
يامو الخصر النحيل اخضر زى النجيل
عمال بيتمايل ومشرق فى ضى الليل
من يوم ما سيبتك وانا عيان بحبك
واول ماشميت تراب ارضك شفا قلبى العليل
يامو الشعر الطويل فى قلبك بيجرى النيل
انا جيت اصون عرضك
انا هنا انا سندك
وانشالله اروح فى حبك اتيل
يامو الشعر الطويل فى قلبك بيجرى النيل
يامو العيون السود والرموش الكحيلا
وحشانى يا مصر موت دا انا ابنك الحيلا
فى قلبك الدافى انا رميت نفسى
وفى حضنك الوافى كان بكى قلبى
وبعطر طمى النيل نفسى يفوح بدنى
وبشمس الحضارة نفسى تكون ضلى
نفسى اروح غيتنا قبل اما اروح بيتنا
اكل من خضرتنا وفى ضل شجرتنا اقعد ازيل همى
واشوف زكريات قلبى
ترابك دا كحل عينى ونيلك عشقه مالينى
يامو الحضارة يا بلد الامارة
يامصر دا كان بعدك والله كاوينى
يامصر يا ست الناس مكانك على الجبين والراس
ودرة فى العقد منصوصة
وحواليكى اخوانك العرب مرصوصة
خلاص انا جيتلك خلاص انا صحيتلك
من نعاسى اللى فى يوم خلانى خونتك
امير انا على عرش حبك
جيت علشان بترابك اتحنا وبنت من بناتك اتهنا
وفى شارعنا وفى وسط اهلى وجيرانى اعمل الزفا
وبايدك يامصر تحطى لعروس النيل التاج والطرحا
وفى عنيكى يا مصر اشوف بجد الفرحا
معقولة يا امى معقولة بعد السنين دى
انسى تربيتك لى
ارجع وابقى ناكر للجميل
ارجع وانسى كل اللى انا شايفه فى عنيكى من شوق وحنين
وحشنى صوت البلابل ووحشنى صوت الآذان
دا انا نفسى يا مصر اجرى من القاهرة لاسوان
ولااقولك وللاسكندرية كمان
يااااااااااه ايوه يا جدعااااان
وياريتك تعرفى الواحد ايه جراله
تعب وشقى وحاله بقى مش حاله
وزى ما قولتى يا مصر
لو الواحد خرج من داره
اتقل حبيبتى مقداره
هعيش يا مصر فى حضنك
وهموت بقربك
وان يوم سيبتك يا مصر
ارجوكى اوعى تسبينى
يا حبيبتى يا مصر
حبك وحده يكفينى
الأربعاء أغسطس 03, 2011 6:08 pm من طرف زائر
موضوع: كلام فى حب مصر 
